Stoltenberq: "Yunanıstan Ukraynadan taxıl ixracı üçün gəmilər göndərməyə hazırdır"

"Yunanıstan Ukraynadan taxıl ixracı üçün gəmilər göndərməyə hazırdır".

“Report” “RBC-Ukraina”ya istinadən xəbər verir ki, bu barədə NATO-nun baş katibi Yens Stoltenberq bildirib.

Yunanıstanın Baş naziri Kiriakos Mitsotakis deyib ki, ölkəsi dünyanın ən böyük ticarət donanmasına nəzarət etdiyi üçün bu səylərdə xüsusi rol oynamalıdır.

"Yunanıstan bir daha Ukraynada, ilk növbədə Odessada olan taxılın ehtiyacı olan ölkələrə çatdırmaq üçün BMT-nin himayəsi altında həyata keçirilən istənilən səylərə yardım təklif edir", - Mitsotakis vurğulayıb.