Yuxarı
    Bağlamaq

    Şri-Lankada daşqınlar 146 nəfərin həyatına son qoyub

    Təbii fəlakət nəticəsində daha 112 nəfər itkin düşüb© Foto: Gulfnews.com

    Bakı. 28 may. REPORT.AZ/ Şri-Lankada daşqınlar nəticəsində ölənlərin sayı 146 nəfərə çatıb.

    "Report"un məlumatına görə, bu barədə "France Press" agentliyi xəbər verib.

    Məlumatda bildirilir ki, təbii fəlakət nəticəsində daha 112 nəfər itkin düşüb. Təxminən 500 min nəfər evlərini tərk etməyə məcbur olub.

    Təbii Fəlakətlərlə Mübarizə Mərkəzinin məlumatına görə, daşqınlar nəticəsində təxminən iki min ev zədələnib və ya tamamilə dağılıb. Qeyd olunur ki, yağışların bir müddət kəsilməsi hakimiyyət orqanlarına bütün əmlakını itirmiş insanlara zəruri malların çatdırılmasına imkan verib.

    Artıq Şri-Lanka BMT-ə və Cənubi Asiya ölkələrinə təbii fəlakətin nəticələrinin aradan qaldırılmasında kömək üçün müraciət edib.

    Qeyd edək ki, ilkin məlumatda 122 nəfərin həlak olduğu bildirilirdi. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi