Bakı. 15 iyul. REPORT.AZ/ Demokrat Partiyasından ABŞ prezidentliyə namizəd olan Hillari Klinton keçirilən sorğunun nəticələrinə əsasən, ABŞ-ın 4 ştatında liderdir.
"Report" CNN-ə istinadən xəbər verir ki, "Marist"in keçirdiyi sorğuya əsasən, H.Klinton Kolorado, Florida, Şimali Karolina və Virciniya ştatlarında Respublikaçılar Partiyasından olan rəqibi Donald Trampı qabaqlayır.
H.Klinton Koloradoda 43% səslə D.Trampı (35%) üstələyir. Digər 3 ştatda faiz nisbəti belədir: Florida - 44%:37%, Şimali Karolina - 44%:38%, Virciniya - 44%:35%.
Qeyd edək ki, adları çəkilən ştatlar tarixən tərəddüd edən ştatlar sayılıb. Ona görə də orada keçirilən səsvermə seçkilərin ümumi nəticəsinə təsir göstərə bilər.