Yuxarı
    Bağlamaq

    Son 5 gündə Mosulu 13 min insan tərk edib

    Stefan Düjarrik: Qaçqın axını dekabrın 29-dan sonra daha da artıb

    Bakı. 5 yanvar. REPORT.AZ/ İraq ordusunun İŞİD-dən azad etmək üçün hərbi əməliyyatlar keçirdiyi Mosul şəhərini son 5 gündə 13 min insan tərk edib.

    "Report" xəbər verir ki, bu barədə BMT-nin mətbuat katibi Stefan Düjarrik məlumat verib.

    "İnsan axını hər gün şəhəri tərk edir. Onların sayı 50 faiz artaraq gün ərzində 1600-dən 2300 nəfər qədər çoxalıb. Döyüşlərlə əlaqədar Mosulu və onun ətrafındakı əraziləri 13 min insan tərk edib" – deyə o jurnalistlərə bildirib.

    Onun sözlərinə görə, qaçqın axını dekabrın 29-dan sonra, antiterror əməliyyatının ikinci mərhələsinin fəallaşması nəticəsində daha da artıb.

    Düjarrik qeyd edib ki, Mosulun İŞİD-dən azad edilmiş ərazisinin sakinləri BMT-dən humanitar yardım alırlar. Hər gün onlara milyon litrə yaxın içməli su, həmçinin ərzaq və ən zəruri ləvazimatlar verilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi