Somalidə terror aktı qurbanlarının sayı 276 nəfərə çatıb - YENİLƏNİB-2

Somalidə terror aktı qurbanlarının sayı 276 nəfərə çatıb - YENİLƏNİB-2 Ən azı 300 nəfər yaralı var
Digər ölkələr
198
16 Oktyabr , 2017 03:34
Somalidə terror aktı qurbanlarının sayı 276 nəfərə çatıb - YENİLƏNİB-2

Bakı. 16 oktyabr. REPORT.AZ/ Şənbə günü Somalinin paytaxtı Moqadişoda törədilən terror aktı nəticəsində ölənlərin sayı 276 nəfərə çatıb.

“Report”  RIA Novosti agentliyinə istinadən xəbər verir ki, bu barədə Somalinin informasiya naziri Abdürəhman Osman xəbər verib.  


***16:08 

Bakı. 15 oktyabr. REPORT.AZ/ Şənbə günü Somalinin paytaxtı Moqadişoda törədilən terror aktı nəticəsində ölənlərin sayı 189 nəfərə çatıb, daha 200 nəfər yaralı var.

“Report” TASS-a istinadən xəbər verir ki, bu barədə bazar günü "Sky News Arabia" telekanalı məlumat yayıb.

Oktyabrın 14-də Hodan rayonunda yerləşən mehmanxanalardan birinin binası yaxınlığında minalanmış yük maşını partladılıb. Bu, son illər Somalidə törədilmiş ən böyük terror aktlarından biridir. Bəzi məlumatlara görə, ərazidə ən azı iki partlayış baş verib.

Hücuma görə heç bir terror təşkilatı məsuliyyəti öz üzərinə götürməyib.


***14:04

Bakı. 15 oktyabr. REPORT.AZ/ Oktyabrın 14-də Somalinin paytaxtı Moqadişoda törədilən partlayış nəticəsində ölənlərin sayı 85 nəfərə çatıb.

“Report” xəbər verir ki, bu barədə təcili yardım xidmətinə istinadən "Al Jazeera" məlumat yayıb.

Bildirilir ki, hadisə nəticəsində yaralananların sayı 250 nəfər təşkil edir.

Oktyabrın 14-də Moqadişoda Hodan rayonundakı mehmanxana binası yaxınlığında partlayış baş verib. İnsidentə minalanmış yük avtomobili səbəb olub.

Son xəbərlər

Orphus sistemi