Sudanda ağır yol qəzası olub, ölən və xəsarət alanlar var

Sudanda ağır yol qəzası olub.

“Report” xəbər verir ki, bu barədə “Sinxua” yerli polisə istinadən məlumat yayıb.

Qeyd edilir ki, hadisə ölkənin cənub-şərqindəki Əl-Cəzirə əyalətində baş verib. Belə ki, Al-Kamlin şəhəri yaxınlığında sərnişin mikroavtobusunun yük maşını ilə toqquşması nəticəsində azı 8 nəfər həlak olub, daha 13 nəfər xəsarət alıb.

İlkin məlumata görə, hadisəyə sürət həddinin aşılması səbəb olub.