Yuxarı

​Slovakiyanın baş naziri: “Əsədsiz İŞİD-lə səmərəli mübarizə aparmaq olmaz”

“Ən ağlabatanı İŞİD-in hədəflərinə zərbələri əlaqələndirmək olar”

Bakı. 18 oktyabr. REPORT.AZ/ Slovakiyanın baş naziri Robert Fitso Suriyada “İraq-Şam İslam Dövləti” terror qruplaşmasına (İŞİD) qarşı mübarizədə Rusiya və ABŞ-ın rəhbərlik etdiyi koalisiyanın öz fəaliyyətini əlaqələndirməyə çağırıb.

“Report” TASS-a istinadən xəbər verir ki, bu barədə o, şənbə günü Slovakiya radiosuna müsahibəsində bildirib.

"Ən ağlabatan Suriya ərazisində İŞİD-in hədəfləri üzrə zərbələri əlaqələndirmək olar ", - deyə o bəyan edib.

Fitsonun sözlərinə görə, Qərb koalisiyası Rusiya ilə səmərəli əməkdaşlıq qurmalı və onun ünvanına ittihamlardan əl çəkməlidir. O əlavə edib ki, İŞİD-lə danışıqlar yolu ilə razılığa gəlmək mümkün deyil, terrorçunu yalnız güc ilə dayandırmaq olar.

Robert Fitso hesab edir ki, İŞİD-lə mübarizədə Suriya prezidenti Bəşər Əsəd mühüm rol oynayır.

"Əsədsiz Suriyada daxili siyasi vəziyyəti yoluna qoymaq və İŞİD-lə səmərəli mübarizə aparmaq olmaz. Bu terror qruplaşması indi daha çox təhlükəlidir", - deyə Slovakiya hökumətinin başçısı bildirib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi