Yuxarı

​Sinqapur prezidenti parlamenti buraxıb

Hakim Xalq Partiyası 50 ildir ölkəni idarə edir

Bakı. 25 avqust. REPORT.AZ/ Sinqapurun baş naziri Li Syanlunun təklifi əsasında ölkə prezidenti Toni Tan parlamentin buraxılması haqda qərar qəbul edib. 

"Report" xəbər verir ki, bu haqda "France Press" məlumat yayıb.

Ölkə qanunvericiliyinə uyğun olaraq, parlament buraxıldığı gündən sonra 3 ay ərzində yeni seçkilər keçirməlidir.

Sinqapur əhalisi immiqrasiya, bahalıq, iqtisadi inkişafın zəifləməsinə etiraz edir. Bu kimi problemlərə baxmayaraq, baş nazir Li Syanlun seçkidə namizədliyini irəli sürmək niyyətindədir.

Qeyd edək ki, hakim Xalq Partiyası 50 ildir Sinqapuru idarə edir. Müxalifət bir cəbhədə çıxış edə bilmədiyindən hakim partiyanın parlamentdə üstünlük qazanacağı gözlənilir.

Məlumata əsasən, bu seçkidə ilk dəfə olaraq, baş nazirin atası Li Kuan Yu siyasi kampaniyanın nəticələrinə təsir edə bilməyəcək. Li Kuan Yu 1959-cu ildə Sinqapur müstəqillik əldə edəndən sonra 31 yaşında ilk baş nazir olub. O, Sinqapurun "iqtisadi möcüzəsi"nin qurucularından sayılır. Li Kuan Yu bu il martın 23-də 91 yaşında vəfat edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi