Şimali Koreyada baş vermiş daşqın nəticəsində 60 nəfər ölüb

Bakı. 6 sentyabr. REPORT.AZ/ Koreya Xalq Demokratik Respublikasının şimalında yerləşən Hamgön-Pukto əyalətində baş vermiş daşqın nəticəsində 60 nəfər ölüb.

"Report"un "Qazeta. Ru"ya istinadən verdiyi xəbərə görə, daha 25 nəfər itkin düşüb.

Təbii fəlakət nəticəsində 7 890 düyü sahəsi su altında qalıb. Daşqın zamanı 560 sosial obyekt, 30 zavod, 20-dək məktəb tam və ya qismən dagılıb, yollar, köprülər sıradan çıxıb.

Əhalinin bir hissəsi təxliyyə edilib.

Hazırda əraziyə gətirilmiş tikinti briqadaları ev və yolların bərpası ilə məşgul olur.