Yuxarı
    Bağlamaq

    Seulda 100 min insan prezidentin istefası tələbi ilə nümayiş keçirir

    Prezidentin reytinqi rekord səviyyədə aşağı düşüb

    Bakı. 5 noyabr. REPORT.AZ/ Koreya Respublikasının paytaxtı Seulun mərkəzində polisin məlumatına görə 43 min, təşkilatçıların məlumatına görə isə 100 minə yaxın adam korrupsiya qalmaqalına görə ölkə prezidenti Pak Kın Henin istefası tələbi ilə nümayiş keçirir.

    "Report" "Yonhap" agentliyinə istinadən xəbər verir ki, mitinq və yürüş zamanı asayişi 20 minə yaxın polis qoruyur. Onlara təxribatlardan yayınmaqla bağlı ciddi təlimat verilib.

    Bununla belə, polis toqquşma olacağını istisna etmir. Belə ki, etirazçıların bir qismi prezident sarayı istiqamətində polis kordonlarını yarmağa çalışır.

    Cümə günü açıqlanan məlumatlara görə, prezidentin reytinqi rekord səviyyədə aşağı - 5%-ə düşüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi