Səudiyyə Ərəbistanının şahzadələrindən biri 91 yaşında vəfat edib

Bakı. 4 may. REPORT.AZ/ Səudiyyə Ərəbistanının şahzadəsi Məşəl bin Əbdül Əziz 91 yaşında vəfat edib.

Bu barədə "Report" xarici KİV-ə istinadən xəbər verir.

Məlumata görə, şahzadə ölkədə kral ailəsində varislik xəttini müəyyən etmək üçün yaradılan vərəsəlik qaydasını müəyyənləşdirən Şuraya rəhbərlik edib.

Qeyd edək ki, Səudiyyə Ərəbistanında ümumilikdə təxminən 7 min şahzadə var.