Yuxarı

​Səudiyyə Ərəbistanında neft emalı kompleksini partlatmaq istəyən terrorçu zərərsizləşdirilib

Hadisə nəticəsində bir polis əməkdaşı həlak olub

Bakı. 4 sentyabr. REPORT.AZ/ Səudiyyə Ərəbistanında dünyada ən nəhəng neft emalı kompleksini partlatmaq istəyən intiharçı-terrorçu zərərzsizləşdirilib.

"Report" "TASS"a istinadən xəbər verir ki, bu haqda Səudiyyə Ərəbistanı agentliyi məlumat yayıb.

Hadisə ölkənin şərqində yerləşən Abkayk neft emalı kompleksində baş verib.

Məlumata əsasən, belinə "intihar kəməri" bağlayan terrorçu müəssisənin ərazisinə keçməyə cəhd göstərib. O, Nəzarət-Buraxılış Məntəqəsində polisə atəş açıb və 3 asayiş keşikçisini yaralayıb. Bundan sonra silahlı yaxınlıqdakı binalarda gizlənib. Hüquq-mühafizə orqanları onun yerini müəyyənləşdirdikdən sonra atışma baş verib və terrorçu öldürülüb. 

Yaralı polislərdən biri isə dünyasını dəyişib. 

Hələlik hadisənin məsuliyyətini heç bir terrorçu qruplaşma üzərinə götürməyib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi