Səudiyyə Ərəbistanında məscidə terror hücumunun qarşısı alınıb

Bakı. 24 avqust. REPORT.AZ/ Səudiyyə Ərəbistanı təhlükəsizlik qüvvələri ölkənin şərqində yerləşən Katif şəhərində məscidə terror hücumunun qarşısını alıb.

Bu barədə "Report" RİA "Novosti"yə istinadən məlumat verir.

"Al Arabiya" telekanalının məlumatına görə, belində partlayıcı kəmər olan şəxs Ər-Rəsul Əl-Ədhəm məscidini partlatmağı planlaşdırsa da, təhlükəsizlik qüvvələri tərəfindən zərərsizləşdirilib. Onun yardımçısı da həbs edilib. Hər iki şəxs Səudiyyə Ərəbistanı vətəndaşı olmasa da, krallıq ərazisində yaşayıb.