Yuxarı

​Səudiyyə Ərəbistanı xüsusi təyinatlılarının komandanı öldürülüb

Krallıq rəsmiləri hadisə ilə bağlı hələlik heç bir açıqlama verməyib

Bakı. 14 dekabr. REPORT.AZ/ Səudiyyə Ərəbistanı xüsusi təyinatlı hərbi dəstəsinin komandanı Abdullah əs-Sehyan Yəmənin cənub-qərbində qiyamçı husi silahlıları tərəfindən öldürülüb.

"Report" "Anadolu" agentliyinə istinadən xəbər verir ki, bunu Yəmən hökumətinin təmsilçiləri bildirib.

Məlumata görə, Səudiyyə Ərəbistanı xüsusi təyinatlılarının da daxil olduğu ərəb dövlətləri koalisiya qüvvələri Yəmənin Zuba bölgəsində əməliyyat keçirərkən, qiyamçılar raket atıb. Bu atəş nəticəsində Abdullah əs-Sehyanla yanaşı, koalisiya qüvvələrinin daha 3 əsgəri həyatını itirib.

Səudiyyə Ərəbistanı rəsmiləri hadisə ilə bağlı hələlik heç bir açıqlama verməyib.

Qeyd edək ki, Səudiyyə Ərəbistanının başçılığı altında ərəb dövlətləri koalisiyası 8 aydır Yəməndə prezident Abdurabbu Mansur Hadinin qanuni hakimiyyətinin müdafiəsi uğrunda qiyamçılara qarşı mübarizə aparır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi