Səudiyyə Ərəbistanı ordusuna Yəmənə daxil olmaq əmri verilib

Bakı. 21 aprel. REPORT.AZ/ Səudiyyə Ərəbistanının kralı Salman ibn Əbdüləziz əl-Səud ölkənin milli qvardiyasına Yəməndə "Sabitlik fırtınası" adı altında həyata keçirilən hərbi əməliyyatlarda iştirak etməyi əmr edib. 

"Report" xəbər verir ki, bu barədə "Sky News Arabia" telekanalı məlumat verib.

Qeyd edək ki, Səudiyyə Ərəbistanı müttəfiqləri ilə birlikdə martın 26-da "Sabitlik fırtınası" adlı hərbi əməliyyata başlayıb. Bu əməliyyatlarda Hərbi Hava Qüvvələri iştirak edib. Əməliyyatın məqsədi husi qiyamçılarının Yəməndəki düşərgələrini, texnikalarını və infrastrukturunu havadan məhv etməkdir.