Yuxarı

Şərqi Avropa ölkələri mühacirlərlə bağlı planı rədd edir

Macarıstan, Çexiya Respublikası, Polşa və Slovakiya miqrantları qəbul etmək istəmir

Bakı. 11 sentyabr. REPORT.AZ/ Avropa İttifaqının dörd üzv ölkəsi Aİ-nin 160 min mühaciri avropa ölkləri arasında bölüşdürmək planını rədd edib.

"Report"un "Amerikanın Səsi"nə istinadən verdiyi məlumatına görə, Macarıstan, Çexiya Respublikası, Polşa və Slovakiya cümə günü Praqada Almaniya və Lüksemburqun xarici işlər nazirləri ilə görüşüblər. Bu iki qərbi Avropa ölkəsi daha çox da zəngin olmayan Şərqi Avropa ölkələrini bu planı qəbul etməyə razı salmağa çalışıblar.

Çexiyanın xarici işlər naziri Lubomir Zaoralek deyib ki, ölkələr nə qədər qaçqın qəbul edəcəklərinə özləri qərar verməlidirlər. Minlərlə miqrant ayaqla Macarıstandan Vyananaya keçir, çünki Macaristandan Avstriya paytaxtına istiqamət edən qatarlar təxirə salınıb.

Rəsmilər 60 kilometrlik səfər üçün qatara minməyə çalışan kütlə ilə məşğul olmağa qüvvələrinin qalmadığını deyirlər.

Macarıstan Almaniya və Avstriya ilə müqayisədə qaçqınlara pis rəftarına görə tənqid olunub. Avropa İttifaqının şərq sərhədində yerləşdiyi üçün müharibə gedən ölkələrdən qaçıb Qərbi Avropada daha yaxşı həyat axtaran insanların qarşısını ilk Macarıstan alır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi