Bakı. 28 fevral. REPORT.AZ/ ABŞ Senatı 79 yaşlı milyarder Uilbur Rossu ticarət naziri vəzifəsinə təsdiqləyib.
“Report” “Dw”-yə istinadən xəbər verir ki, o, seçki qabağı kampaniya dövründə ABŞ prezidenti Donald Trampın iqtisadi məsələlər üzrə müşaviri olub.
İnformasiyaya əsasən, U.Ross 2014-cü ildə “Bank of Cyprus” bankının Direktorlar Şurası sədrinin müavini olub. Bu maliyyə qurumu Panamada qeydiyyatda olan rusiyalı oliqarx Viktor Bekselberqə aid “Lamesa Holding”in şirkətinin ikinci böyük səhmdarıdır.
Məlumata görə, ABŞ-ən yeni ticarət nazirinin əvvəllər Rusiya ilə işgüzar əlaqələri olub.