Bakı. 5 aprel. REPORT.AZ/ Birləşmiş Ərəb Əmirliklərində şiddətli qum fırtınası baş qaldırıb.
"Report" xəbər verir ki, güclü küləyin səhrada qum kütləsini havaya qaldırması nəticəsində şəhərdə görüntü məhdud həddə düşüb.
Yerli sakinlər və qonaqlar qumun ağ ciyərlərə dolmasının qarşısını almaq üçün qoruyucu maskalardan istifadə edir.
Dubay Beynəlxalq Hava Limanında bir çox aviareyslər ləğv edilib, bununla yanaşı yüzlərlə sərnişin təbii fəlakətin əsirinə çevrilib.
BƏƏ-nin Milli Meteorologiya və Seysmologiya Mərkəzi görüntünün 500 metrdən çox olmadığını məlumat veriblər.