Emanuel Makron: “Sarı jiletlilər”in etiraz aksiyaları dövründə 11 nəfər ölüb"

Bakı. 28 yanvar. REPORT.AZ/ Fransada “sarı jiletlilər” hərəkatının ötən il noyabrın 17-dən etibarən keçirdiyi etiraz aksiyaları dövründə 11 nəfər ölüb.

“Report” TASS-a istinadən xəbər verir ki, bu barədə Fransa Prezidenti Emanuel Makron misirli həmkarı Əbdülfəttah əs-Sisi ilə görüşündən sonra keçirilən mətbuat konfransında bildirib.

“Bu böhran başlayandan bu yana on bir insan dünyasını dəyişib. Bu itkilərimizdən heç birinin səbəbi asayiş mühafizəsi qüvvələrimizin hərəkətləri olmayıb”, - E.Makron qeyd edib.