Yuxarı
    Bağlamaq

    ​Salvadorun fırıldaqçılıqda ittiham olunan sabiq prezidenti vəfat edib

    Fransisko Flores bir müddət əvvəl komaya düşmüşdü

    Bakı. 31 yanvar. REPORT.AZ/ Salvadorun böyük həcmdə pul fırıldaqçılığında şübhəli bilinən və komada olan sabiq prezidenti Fransisko Flores şənbə günü axşam 56 yaşında vəfat edib.

    "Report" "Frans Press"ə istinadən xəbər verir ki, bu barədə Florensin prezidentlik illərində mənsub olduğu Millətçi Respublika Birliyi müxalifət partiyasının rəsmi "Twitter" səhifəsində məlumat yerləşdirilib.

    "Biz keçmiş prezident Fransisko Floresin vəfatı ilə əlaqədar heyfislənir və onun ailəsinə bu ağır gündə başsağlığı veririk", — deyə məlumatda bildirilib.

    Flores bir müddət əvvəl evində huşsuz vəziyyətdə aşkar olunaraq xəstəxanaya yerləşdirilmişdi. Həkimlər Floresin koma vəziyyətinə düşdüyünü və onun nevroloji pozuntular səbəbindən geriqayıtmaz xarakter daşıdığını bildirmişdilər.

    Flores Salvadora 1999–2004-cü illərdə prezidentlik edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi