Bakı. 22 avqust. REPORT.AZ/ Bu gün Sakit okeanın ABŞ sahilləri yaxınlığında 6,3 maqnitudada zəlzələ baş verib.
"Report" TASS-a istinadən xəbər verir ki, bu barədə ABŞ Geologiya Xidməti məlumat verib.
Xidmətin məlumatına görə, yeraltı təkanların episentri Bendon şəhərindən (Oreqon ştatı) 294 km şimal-qərbdə qeydə alınıb. Zəlzələ ocağı 12 km dərinlikdə olub.
Ölən və yaralananlar barədə məlumat verilməyib.