Şahzadə Harri 11 il kredit ödəyəcək

Şahzadə Harri 11 il kredit ödəyəcək Şahzadə Harri Meqan Markl ilə toylarından sonra kraliça II Elizabetin hədiyyə etdiyi Froqmor Haus malikanəsində edilən dəbdəbəli təmir işlərinə görə Böyük Britaniya xəzinəsinə uzun illər kredit ödəmək məcburiyyətində qalıb.
Digər ölkələr
285
18 May , 2020 17:34
Şahzadə Harri 11 il kredit ödəyəcək

Şahzadə Harri Meqan Markl ilə toylarından sonra kraliça II Elizabetin hədiyyə etdiyi Froqmor Haus malikanəsində edilən dəbdəbəli təmir işlərinə görə Böyük Britaniya xəzinəsinə uzun illər kredit ödəmək məcburiyyətində qalıb.

Bu barədə “Report” “Harpers Bazar”a istinadən xəbər verir.

Qeyd edək ki, cütlük malikanənin vəziyyətindən tam razı qalmadığına görə təmir işlərinin başlamasını lazım bilib. Nəticədə interyerin dizaynı yenilənib, yeni istilik, qaz və su təchizatı sistemi quraşdırılıb və bütün bunlar 2,4 milyon funt sterlinqə başa gəlib.

Meqan və Harri kral ailəsindən ayrılan zaman bu məbləği tam qaytarmağa söz veriblər. Üstəlik, Harrinin artıq bu pulu hissə-hissə ödəməyə başladığı bildirilir: şahzadə hər ay 18 min funt sterlinq ödəyəcək. Borcu tam ödəmək üçün 11 il vaxt lazım gələcək.

Xatırladaq ki, vəliəhdlər növbəsində altıncı olan şahzadə Harri və həyat yoldaşı Meqan Markl yanvarın 8-də kral ailəsinin böyük üzvü statusundan imtina edərək maliyyə cəhətdən müstəqil olmaq niyyətində olduqlarını “Instagram” vasitəsilə bildiriblər.

Son xəbərlər

Orphus sistemi