Rusiyanın Ryazan şəhərində qaz partlayışı baş verib, 3 ölü, 10 yaralı

Bakı. 23 oktyabr. REPORT.AZ/ Rusiyanın Ryazan şəhərindəki yaşayış binalarından birində qaz partlayışı baş verib.

"Report" "RİA Novosti"yə istinadən xəbər verir ki, hadisə zamanı 10 nəfər xəsarət alıb. Onlardan bizi azyaşlıdır.

Agentliyin Rusiya Federasiyası Fövqəladə Hallar Nazirliyinin Regional Mərkəzindəki mənbəyə istinadən verdiyi məlumata görə, hadisə zamanı 3 nəfər ölüb.

Yaralılar xəstəxanaya yerləşdiriliblər.

Qəza ilə əlaqədar yaşayış binasının 25 sakini köçürülüb. Faktla bağlı araşdırmalara başlanılıb.