Rusiyada yol qəzası baş verib: ölənlər var

Bakı. 19 mart. REPORT.AZ/ Rusiyada bir neçə nəfərin ölümü və xəsarət alması ilə nəticələnmiş yol qəzası baş verib.

"Report"un məlumatına görə, bu barədə "RİA Novosti" xəbər verib.

Məlumata görə, hadisə Amur vilayətində, Blaqoveşensk-Qomelevka magistral yolunda qeydə alınıb. Belə ki, mikroavtobusla "Toyota Kluger"in toqquşması nəticəsində 4 nəfər ölüb, daha 1 nəfər xəsarət alıb.

İlkin ehtimala görə, hadisəyə səbəb sürücülərdən birinin əks tərəfdən gələn nəqliyyat vasitəsinin yoluna çıxması olub. 

Polis hadisənin başvermə səbəblərini araşdırır.