Bakı. 12 yanvar. REPORT.AZ/ Rusiyanın Moskva vilayətinin Odinçovsk rayonunun Volkovo kənd sakininin evindən oğurluq etməkdə şübhəli bilinən azərbaycanlı saxlanılıb.
"Report" Rusiya mətbuatına istinadən xəbər verir ki, yanvarın 10-da, növbətçi hissəyə Moskva sakinindən onun mənzilindən oğurluq edilməsi barədə ərizə daxil olub. Qadın naməlum şəxsin onun Volkovo kəndindəki evinə daxil olaraq oğurluq etdiyini bildirib.
Hüquq-mühafizə orqanlarının əməkdaşları adı hələlik açıqlanmayan 24 yaşlı azərbaycanlını saxlayıblar. Faktla bağlı Rusiya Cinayət Məcəlləsinin 158-ci maddəsi üzrə cinayət işi açılıb. Bu maddəylə nəzərdə tutulmuş azadlıqdan məhrumedilmə müddəti 6 ildir.
Məlumatda bildirilir ki, şikayətçiyə 9 min rus rubli miqdarında zərər dəyib.