Bakı. 15 avqust. REPORT.AZ/ Rusiyanın Xabarovsk vilayətində "Mi-8" helikopteri qəzaya uğrayıb. Bu barədə "Report" TASS-a istinadən xəbər verir ki, ilkin ehtimallara görə, qəza nəticəsində 6 nəfər həlak olub.
"Mi-8"in ekipaj komandiri aviaşirkətlə əlaqə saxlayaraq, helikopterin Oxot dənizinə düşməsi barədə xəbər verib.
"Göyərtədə olan 16 nəfərdən 10 nəfəri xilas edilib, onlar sahilə çıxa biliblər. Komandirin sözlərinə görə, helikopter dənizdə batıb. 6 nəfərin taleyi məlum deyil", - aviaşirkətdən bildirilib.
Qeyd edək ki, qəzaya uğrayan "Mi-8" helikopterində olanlardan 3-ü ekipaj üzvü, 13 nəfəri sərnişindir. İlkin ehtimala görə, 3 nəfər ekipaj üzvü və 7 nəfər sərnişin xilas olub.