Bakı. 10 dekabr. REPORT.AZ/ Rusiyanın Orenburq vilayətində ağır yol qəzası baş verib.
"Report"un məlumatına görə, bu barədə "RİA Novosti" hüquq-mühafizə orqanlarındakı mənbəyə istinadən məlumat yayıb.
Məlumata görə, qəza zamanı 7 nəfər ölüb.
"Vilayətin şose yolunda 3 avtomobil toqquşub. İlkin məlumata görə, hadisə nəticəsində 7 nəfər ölüb" – deyə mənbə bildirib.
Rusiya Fövqəladə Hallar Nazirliyinin məlumatına görə isə, Lılov Qaysk qəsəbəsi yaxınlığında baş vermiş hadisə zamanı 4 avtomobil toqquşub. Hadisə zamanı 3 kişi və 4 qadın həlak olub.
Qəza zamanı habelə bir neçə nəfər xəsarət alıb. Onlar arasında uşaqlar da var.