Yuxarı
    Bağlamaq

    “Rusiya Ukraynanın şərqində separatçıları dəstəkləməkdə davam edir"

    Bunu NATO qərargahındakı mənbəyə istinadən “Frankfurter Allgemeine Sonntagszeitung” qəzeti yazır

    Bakı. 12 aprel. REPORT.AZ/ Rusiya Ukraynanın şərqində separatçıları silah təchizatı, döyüşçü və hərbi təlimlər vasitəsilə dəstəkləməkdə davam edir. Bunu NATO qərargahındakı mənbəyə istinadən “Frankfurter Allgemeine Sonntagszeitung” qəzeti yazır.

    Qəzet qeyd edir ki, separatçılara verilən hərbi texnika arasında tanklar, o cümlədən müasir T-80, T-90 tankları, zirehli avtomobil, artilleriya qurğuları və hava hücumundan müdafiə sistemi var.

    Məlumatda o da deyilir ki, Rusiyayönümlü separatçılar hazırda daha çox silahlanıblar, nəinki 2-ci Minsk razılaşmasınadək olan dövrdə.

    "Report" Azadlıq radiosuna istinadən xəbər verir ki, Qərb siyasətçilərinin və Ukrayna rəsmilərinin Rusiyanın Ukraynanın şərqindəki separatçıları silahlandırması və bu ölkədə Rusiya hərbçilərinin olması ilə bağlı iddialarını rəsmi Moskva birmənalı olaraq inkar edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi