Rusiya Suriyada bazarı bombalayıb, 9 mülki şəxs ölüb, 30-u yaralanıb

Rusiya döyüş təyyarələrinin Suriyanın İdlib bölgəsində meyvə-tərəvəz bazarını bombalaması nəticəsində 9 mülki şəxs ölüb, 30-u yaralanıb.

“Report” xəbər verir ki, bu barədə “TRTHaber” məlumat yayıb.

Bildirilib ki, hadisə İdlib əyalətinin Cisir eş Şugur rayonunda meyvə-tərəvəz bazarında olub.

Rusiya tərəfi hələ ki bununla bağlı açıqlama verməyib.