Yuxarı
    Bağlamaq

    ​Rusiya Suriyada 1200-dən çox neft daşıyan avtomobil məhv edib

    Təkcə son üç gün ərzində yaraqlıların 6 qanunsuz neft mədəni, xam neft daşıyan 7 avtomobil karvanı məhv edilib

    Bakı. 15 dekabr. REPORT.AZ/ Rusiya aviaqrupunun təyyarələri sentyabrın 30-da Suriyada hərbi əməliyyatlar başlanan vaxtdan xam neft və neft məhsulları daşıyan 1200-dən çox sisternli avtomobil məhv ediblər.

    "Report" xəbər verir ki, bu barədə jurnalistlərə Rusiya Baş Qərargahının Baş Əməliyyat İdarəsinin rəisi, general-leytenant Sergey Rudskoy məlumat verib.

    "Rusiya aviasiyası zərbələr endirməyə başladığı vaxtdan 1200-dən çox belə sistern məhv edilib", — deyə Rudskoy bildirib.

    Onun sözlərinə görə, təkcə son üç gün ərzində yaraqlıların 6 qanunsuz neft mədəni, həmçinin xam neft və onun emalı məhsullarını daşıyan 7 avtomobil karvanı məhv edilib.

    "Son bir neçə həftə ərzində İŞİD və digər terror qruplaşmalarının mövqelərinə endirilən zərbələrin sayı çoxaldılıb. Rusiya aviasiyası Suriyada terrorçuların gəlir mənbələrinin partladılmasına böyük diqqət ayırmaqdadır", — deyə Rudskoy qeyd edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi