​Rüsiya sabahdan Türkiyədən bibər və nar idxalını dayandıracaq

Bakı. 16 mart. REPORT.AZ/ Rusiya Federasiyası Baytarlıq və Fitosanitar Nəzarət üzrə Federal Xidməti (“Rosselxoznadzor“) Türkiyədən sabahdan etibarən bibər və nar idxalını dayandıracaqlarını açıqlayıb.

"Report"un "Sputnik" istinadən verdiyi xəbərə görə, buna səbəb kimi Türkiyədən Rusiyaya sistemli şəkildə təmiz məhsullar göndərməməsi olduğu, eyni zamanda Türkiyədən bibər və nar qəbulunun müvəqqəti olaraq dayandırıldığı qeyd edilib.

Qeyd edək ki, Kreml 2015-ci ilin noyabrında Türkiyənin Suriyada Rusiyaya məxsus döyüş təyyarəsini vurmasından sonra bu ölkədən bir sıra kənd təsərrüfatı məhsullarını almağı dayandırmışdı.