Yuxarı
    Bağlamaq

    ​Rusiya rəsmisi: "İŞİD-in Əfqanıstanın şimalına cəmlənməsindən narahatıq"

    Anatoli Antonov: Onlar ölkənin 34 əyalətindən 25-də yerləşiblər

    Bakı. 4 noyabr. REPORT.AZ/ "Rusiya terrorçu İŞİD-in Əfqanıstanın şimalına, Tacikistan, Türkmənistan sərhədlərinə cəmlənməsindən, eləcə də bu ölkələrə təsirinin artmasından narahatdır".

    "Report" "RİA Novosti"yə istinadən xəbər verir ki, bunu Rusiya müdafiə nazirinin müavini Anatoli Antonov ASEAN (Cənub-Şərqi Asiya Ölkələri Assosiasiyası) dövlətləri müdafiə nazirlərinin üçüncü müşavirəsində bildirib.

    "İŞİD-in Əfqanıstanda artan nüfuzu nəzərə çarpır. Onlar ölkənin 34 əyalətindən 25-də yerləşiblər", - nazir müavini vurğulayıb.

    Onun sözlərinə görə, 3 il ərzində İŞİD İraq və Suriya ərazilərinin önəmli hissəsini ələ keçirə bilib: "Onlar Afrikanın şimalında, o cümlədən Liviyada öz nüfuz dairələrini genişləndirmək istəyirlər".

    Nazir müavini bildirib ki, İŞİD-in sıralarında başqa ölkələrdən, o cümlədən Rusiya, Asiya və Sakit Okean hövzəsi dövlətlərindən olan 25-30 min nəfər döyüşür. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi