Bakı. 19 yanvar. REPORT.AZ/ Rusiya xarici işlər nazirinin müavini Mixail Boqdanov ABŞ səfiri Con Tefft ilə görüşdə qarşı tərəfi Qazaxıstanın adından Astanada keçiriləcək Suriya üzrə görüşə dəvət edib.
"Report" xəbər verir ki, bu barədə RİA "Novosti"yə açıqlamasında M.Boqdanov məlumat verib.
"Bəli, biz onları dəvət etdik. Qazaxıstanlı dostlarımız tərəfindən imzalanmış dəvəti onlara verdik", - M.Boqdanov bildirib.
Qeyd edək ki, Astanada Suriya üzrə görüş yanvarın 23-də keçiriləcək.