Yuxarı

Suriya hüquq müdafiəçiləri: "Rusiya hərbçiləri Suriyada 3 804 dinc sakin öldürüb"

Öldürülənlərin 2 746-sı terrorçu İŞİD silahlısı olmaqla müxtəlif qruplaşmalara aiddir

Bakı. 30 sentyabr. REPORT.AZ/ "Rusiya hərbçiləri bir il ərzində Suriyada 3 804 dinc sakini öldürüb".

"Report" "newsru.co.il"ə istinadən xəbər verir ki, bu məlumatı Suriyada İnsan Haqlarının Müşahidəsi ("The Syria Observatory for Human Rights" - SOHR) yayıb.

Məlumata görə, ötən ilin sentyabrın 30-dan başlayaraq Rusiya döyüş təyyarələrinin bombardmanı nəticəsində 9 364 nəfər ölüb. Onların 3 804 dinc sakindir: "Bunlardan 906 nəfəri 18 yaşdan kiçikdir. Öldürülənlərin qalanları - 2 746-sı terrorçu İŞİD silahlısı olmaqla müxtəlif qruplaşmalara aiddir."

Rusiyanın Müdafiə Nazirliyi bildirib ki, ötən bir ildə Suriyada 20 rusiyalı hərbçi həlak olub.

Xatırladaq ki, 2015-ci il sentyabrın 30-da Rusiya Suriyaya müdaxilə edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi