Yuxarı
    Bağlamaq

    ​Rusiya hərbçiləri Krım tatarlarına aid telekanalın binasında axtarış aparıb

    Jurnalist: Texnikanı aparacaqları ilə hədələyərək hadisə yerində çəkiliş etməyə icazə vermirlər

    Bakı. 26 yanvar. REPORT.AZ/ Krımın mərkəzi şəhəri Simferopolda Krım tatarlarının "ATR" telekanalının binasında Rusiyanın İstintaq Komitəsi və Terrorçuluğa qarşı Mərkəzi tərəfindən axtarış aparılıb.

    "Report" "Unian"a istinadən xəbər verir ki, bu haqda kanalın jurnalisti Şəvkət Nematullayev və birbaşa xəbər buraxılışının aparıcısı Liliya Bucurpova "facebook" səhifələrində yazıblar.

    Jurnalistlərin məlumatına görə, telekanala bir "KamAZ" hərbçi, Rusiya Federal Təhlükəsizlik Xidməti və İstintaq Komitəsinin əməkdaşları gətirilib.

    "İşimizi bir az əngəlləsələr də, yayım davam edir. Texnikanı aparacaqları ilə hədələyərək hadisə yerində çəkiliş etməyə icazə vermirlər", - L.Bucurova yazıb.

    Jurnalistin yazdığına əsasən, onların məqsədi keçən il fevralın 26-27-də Krım parlamentinin binası qarşısında keçirilən mitinqin materiallarını ələ keçirməkdir.

    Xatırladaq ki, fevralın 26-da Krım Muxtar Respublikası Ali Sovetinin binası qarşısında keçirilən mitinqdə on minə yaxın insan iştirak edib. L.Bucurova yazıb ki, həmin aksiyada mitinq iştirakçıları Ukraynanın ərazi bütövlüyünün pozulmasına etiraz edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi