Yuxarı

Rusiya Arktikada MiG-31 qırıcıları yerləşdirəcək

Qırıcılar hava məkanının pozulması hallarının qarşısını alacaq

Bakı. 5 aprel. REPORT.AZ/ Arktikanın aerodromlarında port və nəqliyyat yollarının mühafizəsi məqsədilə MiG-31 qırıcı-təyyarələri yerləşdiriləcək.

"Report"un Azadlıq radiosuna istinadən verdiyi xəbərə görə, bu barədə Rusiya Hava və Fəza Hücumundan Müdafiə Qüvvələri komandanının havadan müdafiə üzrə müavini general-mayor Kiril Makarov məlumat verib.

O deyib ki, qırıcıların əsas vəzifəsi ölkənin hava məkanının mümkün pozulması hallarının qarşısının alınması olacaq.

Makarov qeyd edib ki, hərbi münaqişələr zamanı MiG-31 təyyarələri Şimal dənizi ilə hərəkət edən Rusiya gəmilərini mühafizə edəcək.

O əlavə edib ki, bununla yanaşı, bütün Arktika boyunca heyətsiz işləyə bilən radiolokator şəbəkəsi qurulacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi