Bakı. 28 sentyabr. REPORT.AZ/ Rusiya Afrika ölkələrinin 20 milyard dollardan çox borcunu silib.
"Reort" "İnterfaks"a istinadən xəbər verir ki, bu barədə Rusiya prezidenti Vladimir Putin bildirib.
"Böyük borcu olan kasıb ölkələrə yardım təşəbbüsü çərçivəsində Afrika ölkələrinin 20 milyard dollardan çox borcunu sildik", - V.Putin Qvineya prezidenti Alfa Konde ilə danışıqlardan sonra jurnalistlərə deyib.
Bundan başqa, Putinin sözlərinə görə, Rusiya 2016-cı ildə Ümumdünya Ərzaq Təşkilatının (ÜƏT) kanalları vasitəsilə Afrika ölkələrinə dəstək məqsədilə 5 milyon dollar ayırıb.