Bakı. 10 sentyabr. REPORT.AZ/ Rumıniyanın Sahil Mühafizə Xidmətinin əməkdaşları tərəfindən ölkəyə keçməyə çalışan 200-dən çox qeyri-leqal miqrant saxlanılıb.
"Report" xəbər verir ki, qaçqınlar iki qayıqda olublar.
İlk qayıq sentyabrın 8-də axşam görünüb, orada 120 miqrant olub. Sentyabrın 9-u səhər isə sahil mühafizəsi ikinci qayığı görüb, onun göyərtəsində 97 nəfər Suriya və İraq mühaciri olub.