Yuxarı

​Rumıniya кraliçası vəfat edib - FOTO

Sabiq kral Mihayın həyat yoldaşı Ana bu gün İsveçrənin Morj şəhərindəki xəstəxanada dünyasını dəyişib

Buxarest. 1 avqust. REPORT.AZ/ Rumıniyanın sabiq kralı Mihayın həyat yoldaşı, 92 yaşlı kraliça Ana bu gün İsveçrənin Morj şəhərindəki xəstəxanada vəfat edib. “Report”un Şərqi Avropa bürosu xəbər verir ki, kraliçanın cənazəsi avqustun 9-da Rumıniyaya gətiriləcək.

Kraliça Ana ilə vida mərasimi ilk olaraq Sinaya şəhərindəki Kral ailəsinə məxsus “Peleş qəsri”, daha sonra paytaxt Buxarestin Kral Sarayında keçiriləcək. Avqust ayının 13-də isə kraliça Kurtya-de-Arceş şəhərində dəfn olunacaq. 

Artıq Rumıniya prezidenti Klaus Yohannis və baş naziri Daçian Çioloş Kral ailəsinə başsağılığı teleqramı ünvanlayıblar. Yaxın günlərdə hökümət avqustun 13-nü ölkə üzrə milli matəm günü elan edilməsilə bağlı qərar qəbul edəcək.

Kraliça Ana 18 sentyabr 1923-cü ildə Parisdə şahzadə Rene de Bourbon-Parmanın ailəsində dünyaya göz açıb. O, 1948-ci ilin iyunun 10-da Afinada Rumıniya kralı Mihayla ailə həyata qurub. Cütlüyün bu nigahdan 5 qızı dünyaya gəlib.

Kraliça Ananın həyat yoldaşı Kral Mihay səhhətindəki problemlə bağlı dəfn mərasimində iştirak etməyəcək. 94 yaşlı kral xərçəng xəstəliyindən əziyyət çəkir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi