Bakı. 11 fevral. REPORT.AZ/ Qvineyanın cənub-şərqində yerləşən Masenta perfekturasının Bofossu şəhərində sərnişin avtobusu və hərbi yük maşınının toqquşması nəticəsində ən azı 15 nəfər həyatını itirib.
"Report" xəbər verir ki, bu barədə yerli hakimiyyət orqanlarına istinadən "Frans Press" məlumat yayıb.
İnsident nəticəsində 15 nəfər ölüb, bir neçə nəfər yaralanıb.
"İlkin məlumatlara görə, hadisə sürət həddini aşma və avtobusun əyləc sisteminin nasaz olması səbəbindən baş verib", — deyə yerli hakimiyyətin bəyanatında bildirilir.