Yuxarı
    Bağlamaq

    Qırğızıstan prezidenti səhhətinə görə məzuniyyətə çıxıb

    Məzuniyyət oktyabrın 1-dək davam edə bilər

    Bakı. 20 sentyabr. REPORT.AZ/ Qırğızıstan prezidenti Almazbek Atambayev səhhətinin pisləşməsi ilə bağlı tibbi müayinədən keçmək məqsədilə məzuniyyətə çıxıb.

    "Report" "RİA Novosti"yə istinadən xəbər verir ki, bu barədə Qırğızıstan prezidentinin mətbuat xidmətindən məlumat verilib.

    "Prezident Almazbek Atambayev tibbi müayinənin keçirilməsinin zəruriliyi ilə əlaqədar qısamüddətli məzuniyyət götürüb", - deyə məlumatda qeyd olunub.

    Prezident Administrasiyasının məlumatına görə, məzuniyyət oktyabrın 1-dək davam edə bilər.

    Xatırladaq ki, dünən Qırğızıstan prezidenti ürəyindəki problemlərlə əlaqədar Nyu-Yorkda keçirilən BMT Baş Assambleyasının 71-ci sessiyasında iştirakdan imtina edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi