Yuxarı

Qırğızıstan-ABŞ əməkdaşlığının inkişaf perspektivləri müzakirə edilib

ABŞ-ın dövlət katibi Con Kerri Qırğızıstanda səfərdədir

Bakı. 01 noyabr. REPORT.AZ/ ABŞ-ın dövlət katibi Con Kerri Qırğızıstanda səfərdədir.

Qırğızıstan Prezident Aparatı informasiya siyasəti şöbəsinin verdiyi məlumata görə, Kerrinin ölkə prezidenti Almazbek Atambayevlə görüşündə ikitərəfli əməkdaşlığın aktual məsələləri, bütün sahələrdə əlaqələrin gələcək inkişaf perspektivləri, həmçinin beynəlxalq problemlər ətrafında geniş fikir mübadiləsi aparılıb.

Dövlət katibi Amerika Birləşmiş Ştatlarının prezidenti Barak Obamanın salamlarını və xoş arzularını Almazbek Atambayevə çatdıraraq əmin olduğunu bildirib ki, bu səfər ölkələr arasında əməkdaşlığın daha da möhkəmləndirilməsinə təkan verəcək. Qonaq Qırğızıstanda parlament seçkilərinin açıq və şəffaf keçirilməsi münasibəti ilə dövlət başçısını təbrik edib.

Səfər çərçivəsində C.Kerri Bişkekdəki ABŞ səfirliyinin yeni binasının, eləcə də Amerika Universitetinin yeni korpusunun açılışında iştirak edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi