Qəzzada İsrail hərbçiləri ilə toqquşmalarda 40 fələstinli xəsarət alıb

Bakı. 16 noyabr. REPORT.AZ/ Qəzzada İsrail hərbçiləri ilə toqquşmalarda 40 fələstinli xəsarət alıb.

“Report” “RİA Novosti”yə istinadən xəbər verir ki, bu barədə Fələstin Səhiyyə Nazirliyinin sözçüsü Əşrəf əl-Kidrə məlumat verib. 

Onun sözlərinə görə, onlardan üçünün vəziyyəti ağırdır.

Xatırladaq ki, “Böyük Qayıdış Yürüşü” adı ilə 7 ay əvvəl başlayan və minlərlə fələstinlinin iştirak etdiyi silsilə etiraz aksiyaları cümə günləri daha geniş vüsət alır.