Qəzzada HƏMAS liderlərindən biri öldürülüb

Bakı. 25 mart. REPORT.AZ/ HƏMAS hərəkatının liderlərindən biri Qəzza zolağında öldürülüb.

"Report" xəbər verir ki, bu barədə qruplaşma polisinin bəyanatına istinadən "Reuters" məlumat yayıb.

Naməlum şəxslər Mazen Fukaha adlı döyüşçüyə bir neçə dəfə atəş açıblar. O, 2011-ci ildə İsrail əsirliyindən azad edilib və Qəzza zolağına göndərilib.

"HƏMAS və onun (hərbi qanadı) İsrail və müttəfiqlərini bu cinayətdə müqəssir bilirlər… İsrail bilir ki, döyüşçülərin qanı belə asanlıqla axıdılmır və HƏMAS necə cavab verəcəyini bilir", — deyə hərəkatın bəyanatında qeyd olunur.

İsrail tərəfi hadisə ilə bağlı şərh verməkdən imtina edib.