Qərbi Hollivudda atışma zamanı 2 nəfər ölüb, 3-ü yaralanıb

Bakı. 17 sentyabr. REPORT.AZ/ Amerikanın Kaliforniya ştatının Qərbi Hollivud şəhərində atışma zamanı ən azı 2 nəfər həyatını itirib.

"Report" xəbər verir ki, bu barədə KTLA5 telekanalı məlumat yayıb.

Qərbi Hollivud şəhəri Los-Anceles aqlomerasiyasına daxildir.

İnsident nəticəsində daha iki və ya üç nəfər ağır yaralanıb.

Hadisənin motivləri və atəş açan şəxs barədə məlumat yoxdur.