Qazaxıstanda təlim zamanı baş verən partlayış nəticəsində 10 hərbçi yaralanıb

Qazaxıstanda döyüş sursatının partlaması nəticəsində 10 hərbi qulluqçu yaralanıb.

"Report" RİA "Novosti"yə istinadən xəbər verir ki, bu barədə ölkənin Müdafiə Nazirliyinin Mətbuat xidməti məlumat yayıb.

Bildirilib ki, hadisə Arıs şəhərindən 60 kilometr məsafədə yerləşən təlim meydanında hərbçilərin planlaşdırılmış işləri həyata keçirdiyi zaman baş verib. Yaralıların hamısı müqavilə üzrə xidmət edənlərdir. Onlar qəlpə yarası ilə Müdafiə Nazirliyinin sahə hospitalına çatdırılıb.