Yuxarı

​Qazaxıstan Rusiya qazının öz ərazisindən Çinə nəqlini təklif edib

Nəqli həyata keçirmək üçün kompressor stansiyaları quraşdırılmalıdır

Bakı. 24 mart.REPORT.AZ/ "Report"un "Qazeta.Ru"ya istinadən verdiyi xəbərə görə, Qazaxıstan Rusiyaya öz ərazisindən Çinə qaz nəql etməyi təklif edib.

"Kazmunayqaz"ın rəhbəri Sauat Mınbayevin sözlərinə görə, Rusiya qazının Çinə tranziti üçün "Buxara-Ural" və "Bozoy-Çimkənd" qaz kəmərləri ilə Rusiyadan Qazaxıstanın cənubuna qaz nəqli üçün nəzərdə tutulan marşrutdan da istifadə etmək olar.

Qeyd edək ki, "Bozoy-Çimkənd" qaz kəməri "Orta Asiya-Çin" magistral qaz kəməri ilə birləşib. Bu kəmər vasitəsilə "mavi yanacaq" Türkmənistandan Çinə nəql edilir.

Mınbayev nəqli həyata keçirmək və qaz kəmərində təzyiqi yüksəltmək üçün kompressor stansiyalarının quraşdırılmasını vacıb sayıb.

"Qazprom"un nümayəndələri Qazaxıstan tərəfinin bu təklifini şərh etməkdən imtina ediblər. Şirkətdəki mənbənin sözlərinə görə, Astananın bu təklifi o qədər də əlverişli görünmür və hər bir halda "Altay"ın tikintisi mütləq prioritet olaraq qalır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi