Yunanıstanda kafedə partlayış olub, ölənlər və yaralananlar var - VİDEO

Bakı. 3 fevral. REPORT.AZ/ Yunanıstanda kafedə partlayış olub.

"Report" "Greek Reporter"ə istinadən xəbər verir ki, hadisə dünən, yerli vaxtla saat 21:15-də, ölkənin cənubundakı Kalamat şəhərində baş verib.

Qaz balonunun partlaması nəticəsində 3 nəfər həlak olub. Ölənlərin kafenin sahibi və iki əməkdaşı olduğu bildirilir.

Digər mətbu orqanlar partlayış zamanı bir neçə nəfərin də yaralandığını xəbər veriblər. Qeyd edilir ki, hadisə zamanı kafedə çoxlu sayda müştəri olub.  

Daha əvvəl bildirilib ki, Yunanıstanda son 4 ayda 18 nəfər həyatını itirib.