Putinin mətbuat konfransında jurnalistlərin rekord sayda akkreditasiyası qeydə alınıb

Bakı. 14 dekabr. REPORT.AZ/ Rusiya prezidenti Vladimir Putinin mətbuat konfransında jurnalistlərin rekord sayda akkreditasiyası qeydə alınıb.

"Report" xəbər verir ki, bu barədə "İzvestiya.ru" məlumat yayıb.

Məlumatda qeyd edilir ki, tədbirə ölkənin federal və regional nəşrlərinin jurnalistləri qatılacaq. Konfransda xarici KİV-i Azərbaycandan, ABŞ-dan, Britaniyadan, Almaniyadan, habelə Avropanın digər ölkələrindən, Yaponiyadan, Çindən, Türkiyədən, Kubadan, Ukraynadan, İrandan, Estoniyadan, Misirdən və bir çox ölkələrdən mətbuat nümayəndələri iştirak edəcək.

Jurnalistlərin prezidentə hazırladıqları bəzi suallar artıq mətbuat konfransının anonslarında səsləndirilib. Primorsk diyarından olanlar ekologiya, Murmanskdan olanlar prezidentin Yeni ili necə qeyd edəcəyi və özünün rusiyalılara Yeni il təbrikini izləyib-izləməyəcəyi ilə maraqlanırlar.