Yuxarı
    Bağlamaq

    Prezidentliyə namizəd Fransua Fiyonun həyat yoldaşı polis tərəfindən saxlanılıb

    Fransada prezident seçkilərinin birinci mərhələsi aprelin 23-də keçiriləcək

    Bakı. 1 mart. REPORT.AZ/ Fransanın keçmiş baş naziri və hazırda prezidentliyə namizəd olan Fransua Fiyonun həyat yoldaşı Penelopa polis tərəfindən saxlanılıb, axtarış aparılır.

    "Report" "Russia Today"ə istinadən xəbər verir ki, bu barədə "Mediapart" nəşrinin əməkdaşı Mişel Delean "Twitter" səhifəsində yazıb.

    Ümumiyyətlə, Fransada F.Fiyonun həyat yoldaşına qarşı rəsmi istintaq aparılır. Yanvarın 25-də Fransa Maliyyə Prokurorluğu Penelopanın işi üzrə ismarıcların yoxlanmasına başlayıb. Fransa mətbuatı xanım P.Fiyonun 1992-ci ildən 2002-ci ilə qədər parlament üzvünün köməkçisi vəzifəsində dövlət büdcəsindən maaş almaqla 500 min avro qazandığını yazır.

    Qeyd edək ki, Fransada prezident seçkiləri 2017-ci ilin yazında keçiriləcək. Birinci mərhələ bu il aprelin 23-də baş tutacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi